Hutbah I Idul Adha Bahasa Madura Versi Wong Gunong [Lengkap dan Sangat Mudah]

اللهُ اَكْبَرْ (3×) اللهُ اَكْبَرْ (×3)اللهُ اَكبَرْ ( 3
اللهُ اَكْبَرْ كَبِيْرًا وَاْلحَمْدُ للهِ كَثِيْرًا وَسُبْحَانَ الله بُكْرَةً وَ أَصْيْلاً لاَ اِلَهَ اِلاَّ اللهُ واللهُ اَكْبَرْ اللهُ اَكْبَرْ وَللهِ اْلحَمْدُ
اَلْحَمْدُ للهِ حَمْدًايُوَافِى نِعَامَهُ وَيُكَافِى مَزِيْدَهُ الَّذِى جَعَلَ لِلْمُسْلِمِيْنَ َعْيدَ اْلاَضْحَى بَعْدَ يَوْمِ عَرَفَةَ. اللهُ اَكْبَرْ (3×) اَشْهَدُ اَنْ لاَ اِلَهَ اِلاَّ اللهُ وَحْدَهُ لاَ شَرِيْكَ لَهُ وَاَشْهَدٌ اَنَّ سَيِّدَناَ مُحَمَّدًا نَبِيَ الْهُدَى وَالرَّحْمَة اللهُمَّ صَلِّ عَلىَ سَيِّدِنَا مُحَمَّدِنِ الْمُشَفًّعِ فِى الْقِيَامَة وَعَلَى اَلِهِ وَاَصْحَابِهِ كَافَّةاَمَّا بَعْدُ. فَيَا عِبَادَاللهِ اِتَّقُوااللهَ حَقَّ تُقَاتِهِ وَلاَ تَمُوْتُنَّ اِلاَّ وَاَنْتُمْ مُسْلِمُوْن

Hadirin Jama’ah Idul Adha se moljeagi Alloh SWT,

e wektoh sepenuh barokah kintoh, kauleh kelaben panjenengan along-polong kanggui ngelaksanaagi shalat ‘Idul Adha. Gik buruh kauleh kelaben panjenengan ngelakoni ruku’ ben sujud minangkah bukteh perasaan taqwa kauleh kelaben panjenengan dek ngersaepon alloh SWT. Kauleh kelaben panjenengan ngagungagi asmaepon, klaben maos becaan takbir, tahlil ben tahmid minangkah pernyataan ben pengakuan atas sefat agungepon Alloh SWT. Takbir se kauleh kelaben panjenengan becah benni guncoman sekedar agulinnah bibir tanpa arteh. Ananging merupakan pengakuan edelemateh, semenyentuh ben menggulih relung-relung jiwa kauleh kelaben panjenengan.

لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ اللهُ اَكْبَرْ(×3)

Melalui mimber nekah beden kauleh ngajek dek beden kauleh dibik husus-epon ben dek para hadirin para rabu semoljeh umum-epon: Nyarah tambahin klaben sekuat tenaga ollenah kauleh kelaben panjenengan alelakon taqwa dek ngersaepon alloh swt. Karena taqwa minangka deddih pondasi deri kontruksi bangunan amal ubudiyah kauleh kelaben panjenengan, sae otabeh bunten amal, istiqomah otabeh bunten ubudiyah bisa etengalin derih kadar taqwaeponkauleh kelaben panjenengan. Bahkan alloh SWT anilai moljeh otabeh bunten sittung kebuleh enilai derih kadar taqwa-epon, akadih debu-epon

إنَّ أَكْرَمَكُمْ عِنْدَاللهِ أتْقَكُمْ

Secak medureh-epon “Seonggunnah sepaling moljeh diantara sampian kabbih monggunah alloh enggi kakdintoh oreng sepaling taqwa”

Hadirin Jama’ah Idul Adha se moljeagi Alloh SWT,

nyarah momentum taqwa panekah deddiagi jelen kanggui ngandep ngasoragi abek ben ateh kauleh kelaben panjenengan dek ngersa-epon Alloh Se Maha agung. Bueng pajeuh sefat angkuh, sombong, ujub, ereh, hasud, congkak ben sefat2 sededdih penyaket ateh laenepon karnah bisa majeuh kauleh kelaben panjenengan dari rahmat Alloh SWT. Sebeb derejet se anggunin, yektenah kenik monggudek ngersa-epon Alloh SWT. Kadipon panapah gagannah kauleh kelaben panjenengan gik enah monggunah Alloh Se Maha Kuat. Kadipon penapah hebat kekuasaan ben pengaruh, kauleh kelaben panjenengan sobung panapannah monggunah Alloh Se Maha Kobesah.

لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ اللهُ اَكْبَرْ(×3)

Hadirin Jama’ah Idul Adha se emoljeagi Alloh SWT,

Hadirin Jama’ah Idul Adha se moljeagi Alloh SWT,

1. Idul adha

2. “Hari Raya Haji”

Idul adha esebut Hari Raya Haji karna pelaksanaan-epon abereng klaben bulen kaum muslimin nglakonih rukun islam se nomer lemak enggi kakdintoh ibedeh haji, sedejeh jamaah haji lakek, binik, tuwah ngodeh derih seluruh penjuru bumih tanpa terkecuali nganggui pakaian serba pote, se ekocak pakaian ihram, hal kintoh minangkah lambang persamaan akidah ben pandangan hidup ummat islam, agedui tatanan nilai sepadeh edelem sedejenah bidang kehidupan. Napah pole Nalekannah wukuf Lok bisa ebideagi antara sittung ben sittungah, sedejennah aromassah sederajat. padeh mesemak taqorrub dek ngersaepon alloh Se Maha Perkasa, areng- sareng maos kalimat talbiyah.

لَبَّيْكَ اللّهُمَّ لَبَّيْكَ لَبَّيْكَ لاَ شَرِيْكَ لَكَ لَبَّيْكَ

3. selaen Idul Adha enyamain hari raya haji, jugen enyamaen “Idul Qurban”

karnah Idul Adha merupakan hari raya se nekka-nagi dek arteh berkorban. bahasa Qurban epondut deri bahasa arab deri fi’il madhi QOROBA searte-epon SEMAK, menurut ulama’ fiqih Qurban enggi kakdintoh nyembeli hayawen ternak kanggui mesemak dek ngersaepon alloh SWT, se-eparengagi dek seabutoagi ben berhak

لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ اللهُ اَكْبَرْ(×3)

Adebu masalah pengorbanan, ngereng kauleh klaben panjenengan ajer senaossah sekonik deri sejarah Nabiyullah Ibrahim AS klaben keluargaepon, enggi kakdintoh nabi Ismail ben Siti Hajar. ewektoh Nabi Ibrahim eperenta Alloh SWT sopajeh nyabek nyai-epon siti Hajar ben Nabi Ismail potraepon, se gik kenik. Esabek esittung kenengan berupa lembah se tandus, gersang, selok etombueh kajuh sama sekaleh. sesanget sepeh, sobung penghuni-epon. sejarak-epon kerah2 1600 KM dek dejeh palestina, senajjen Nabi Ibrahim sareng keluarga lok oning, panapah maksud dari wahyu Alloh kintoh ananging baik Nabi Ibrahim, maupun nyainnah Siti Hajar, neremah perenta kintoh klaben ikhlas ben penuh tawakkal. Salastarennah depak dek lembah nabi ibrohim aduweh terus abelih dek palestina adinaagi siti hajar ben nabi ismail wek-duwek-en:

Duweh nabi ibrohim kintoh akadih elukisagi edelem Al-Qur’an

وَإِذْ قَالَ إِبْرَاهِيمُ رَبِّ اجْعَلْ هَـَذَا بَلَداً آمِناً وَارْزُقْ أَهْلَهُ مِنَ الثَّمَرَاتِ مَنْ آمَنَ مِنْهُم بِاللّهِ وَالْيَوْمِ الآخِرِ

Arteepon: Ben (engak) nalekannah Ibrahim aduweh: “duh gusteh, deddiagi daerah kintoh, negereh se aman sentosa ben parengin rizki dari wek buwek-en dek penduduk-epon se beriman dek ngersaepon alloh ben hari kiamat.” (QS Al-Baqarah: 126)

Hadirin Jama’ah Idul Adha se moljeagi Alloh SWT,

Ternyata wahyu dek nabi ibrohim sareng keluarga kintoh merupakan cikal bakal rangkaian kewejiben sebekal deddih kewejiben senomer lemak kanggui ummat Muhammad berupa pelaksanaan ibadah haji.

akadih se eceretaagi Ibnu Abbas bahwa Siti Hajar nalekannah ketadeen aing nginom hingga lok bisa nyosoin nabi Ismail, Siti Hajar nyareh aing man-kamman sambih setengah buruh antara bukit Sofa ben Marwah ngantos 7 kaleh (Lelakon kepenekah seterusepon deddih salah satu rangkaian ibadah haji yakni.Sa’i). eceretaagi derih terajengenah sokoh nabi isma’il senangis kearjengan Alloh SWT ngutus malaikat jibril sopajeh mekeluar somber aing Zam Zam.

لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ اللهُ اَكْبَرْ(×3)

Akhirepon Lembah se dimin gersang, semanken agedui persediaan aing se melimpah ben deddih daerah makmur. Areh agenteh bulen bulen agenteh tahon lembah kepenekah deddih kota seterkenal klaben sebutan kota mekkah, sittung kota se aman ben makmur, barokah duweh Nabi Ibrahim ben barokah keihklasan, ebu akadih siti hajar.

Hadirin Jama’ah Idul Adha se moljeagi Alloh SWT,

Dari ceretah kintoh, kauleh kelaben panjenengan ngaolle bukteh se jelas bahwa keikhlasan ngelakoni perenta alloh, tanggung jeweb ben duwennah reng sepo lakek dek keluarga, husnuddonnah reng binik dek lakeh serta ikhlas ben kasih sayang reng sepo binik dek potraepon minangkah deddi pondasi kemakmuran situung disah, bahkan sittung negereh. Akadih se-yalamin keluarga nabi ibrohim, nyaiepon siti hajar ben nabi ismail potrepon, mogeh2 kauleh klaben panjenengan bisa ngelampain akadih keluar nabi ibrohim

Hadirin Jama’ah Idul Adha se moljeagi Alloh SWT,

4. Idul Adha se kauleh kelaben panjenengan peringati saat manken, enyamaen jugen klaben “Idun Nahr” arteh epon dinah carannah nyambeli kurban.

Sejaraepon Idun Nahr berasal dari ujian paling berat se menimpa Nabiyullah Ibrahim.

لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ اللهُ اَكْبَرْ(×3)

Dimin karnah kesabaran ben ketabahan Ibrahim edelem ngadepin berbagai ujian ben cobaan, Alloh SWT apareng sittung anugerah, sittung kehormatan gelar “Khalilullah” (kekasih Alloh) dek Nabi Ibrahim.

salastarennah gelar Al-khalil eparengagi, Malaikat atanyah dek Alloh SWT: “duh gusteh, dinapah ajunan adeddiagi Ibrahim kekasih ajunan. Padahal nabi ibrohim slalu sibuk klaben urusan dunyah ben keluargannnah?” Alloh SWT adebu: “jek menilai tan kebuleh Ibrahim klaben ukuran lahiriyah, conggok essenah ateh ben amal ngabektenah!”

Deri hadits dedebuan antarannah alloh klaben malaikat kauleh klaben panjenengan bisa mondut pembelajaran enggi kakdintoh jek-pang-gempang anilai jubek sittung oreng karnah penampilan dhohir-epon karnah kadeng essenah ateh ben amallah oreng kissah lebih begus tenembeng kauleh klaben panjenengan. Malar mander kauleh klaben panjenengan ejegeh derih suuddon

Edelem ketab “Misykatul Anwar” disebutagi bahwa, Nabi Ibrahim ageduih dunyyah 1000 domba, 300 sapeh, ben 100 ontah. Riwayat lain adebuagi, dunyah Nabi Ibrahim mencapai 12.000 ekor ternak. Sittung areh, Ibrahim etanyaen oreng “geduennah peserah kewan sebenyak panekah ibrohim?” Nabi Ibrahim ajeweb“geduennah Alloh SWT, tapeh semanken gik geduan. Sewektoh2 Alloh SWT ngersaagi, bik kauleh epasraaginah sedejenah. jek coman ternak, saompamah Alloh SWT mintah anak kesayangan kauleh , masteh bik kauleh eparengaginah.”

sehubungan klaben debu nabi ibrohim kintoh al-imam Ibnu Katsir edelem tafsir Al-Qur’anul ‘adzim adebuagi bahwa, pernyataan Nabi Ibrahim kintolah se dekbudih areh ededdiagi bahan ujian, hal kintoh ebukteagi Alloh SWT nguji Iman ben Taqwa Nabi Ibrahim melalui mempeh se haq, sopajeh Nabi Ibrahim nyambeli potrannah se gik omor 7 tahon. Peristiwa nekah ejelasagi Edelem Al-Qur’an Surah As-Shoffat : 102 :

قَالَ يَا بُنَيَّ إِنِّي أَرَى فِي الْمَنَامِ أَنِّي أَذْبَحُكَ فَانظُرْ مَاذَا تَرَى قَالَ يَا أَبَتِ افْعَلْ مَا تُؤْمَرُ سَتَجِدُنِي إِن شَاء اللَّهُ مِنَ الصَّابِرِينَ

Arteepon: Ibrahim adebu : “duh tan anak seonngunah engkok amempeh sopajeh nyambeli bek-eng “dekremmah menurut bek-eng? Ismail ajeweb: duh abah lampaagi panapah se-eperentaagi dek panjenengan. InsyaAlloh termasuk oreng2 se sabar.” (QS As-shaffat: 102).

Hadirin Jama’ah Idul Adha se moljeagi Alloh SWT,

Deri ayat gik buruh bisa epondut i’tibar ben pelajaran bahwa musyawarah panekah sanget penting, akadiyah hal seecontoagi nabi ibrohim dek potraepon. Senajen nabi ibrohim oning jek nekah perenta alloh anangin karna menyangkut hak oreng lain senajen potrannah dibik beliau nabi ibrohim tetep minta persetujuan potraepon ismail

لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ اللهُ اَكْبَرْ(×3)

samponah siap kanggui ngelaksanaagi perintah Alloh SWT. Iblis deteng agudeh bapak, ebuk ben potraepon silih berganti. ananging Nabi Ibrahim, Siti hajar ben Nabi Ismail lok goyah dek bujuk rayu iblis se agudeh sopajeh mebetal niatepon. Bahkan siti hajarpun adebu: ”mon lakar perintah Alloh SWT, kauleh siap e beli agenteh ismail.” Karnah terus egudeh Nabi Ibrahim, Siti hajar ben Nabi Ismail ngantemin iblis klaben betoh, iblis buruh mejeuh. Lelakon kepenekah seterusepon deddih salah settung rangkaian ibadah haji yakni ngantem jumrah; jumrotul ula, wustho, ben aqobah se elaksanaagi e mina.

Hadirin Jama’ah Idul Adha se moljeagi Alloh SWT,

salastarennah depak dek tempat se-etojuh Ismail mator dek abaepon : ”abah, tlg sokoh klaben tangan duwek kauleh panjenengan taleen sopajeh mon kauleh agulih lok merepot dek panjenengan. Muah kauleh panjenengan pamadep dek tanah sopajeh panjenengan lok bisa ningalen muah kauleh sebisa nyebebagi panjenengan niser dek kauleh. Angguyan kauleh panjenengan dukkalen sopajeh lok kengeng dere sebisa nyebebagi panjenengan sedih saat engak kauleh. Gengseh todikeng panjenengan patajem, sopajek panyembelihan bisa cepet. Parengagin angguyan kauleh dek ebuk kanggui kenang-kenangan ben atoragi salam kauleh sopajeh ebuk tetep sabar, jek ngantos eceretaagi dek ebuk kadinapah panjenengan nalik-in kauleh. Jek parengagi anak-anak seomor kauleh datang kerumah, sopajeh ebuk lok tambah sedih karnah engak kauleh, lamon abah ningalen nak-kanak seomoran kauleh jek tengalen bit-abit sopajeh abah lok engak dek kauleh.”

Nabi ibrohim ajeweb ”yeh cong, mogeh alloh nolong bek-eng”. Selastarenah persiapan, Nabi ibrohim mulain nyambeli klaben neket todik dek le-er potraepon ananging todik-epon lok mempan,.ebeliin pan snapan kaleh tetep lok mempan. Ningalen kejadian kintoh

para malaikat tunduk ben sujud dek ngersaepon alloh SWT, takjub ningalin pengorbanan nabi ibrohin ben nabi ismail. Alloh adebu dek para malaikat: ”abesagi tan kebuleh ruah, rela ben seneng ateh nyambeli anak-eng dibik klaben todik, karena semata-mata ngareb tan ridho.

لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ اللهُ اَكْبَرْ(×3)

nabi Ismail mator dek nabi ibrohim : ”abah.. bukkak taleh senaleen sokoh ben tangan kauleh , sopajeh Alloh SWT lok ningalen kauleh Edelem keadaan terpaksa, ben sabek todik kayyeh dek le-er kauleh, sopajeh malaikat deddih sakseh bahwa putra kholilullah Nabi ibrohim taat ben patuh dek perintah-epon alloh.”

Nabi ibrohim nerema permintaan nabi ismail. Nukkaleh taleh ben nyabek todik kayyeh ke le-errah nabi ismail ben neket klaben kuat, ananging le-errah nabi ismail lok apa-apa, bahkan bila diteket, todik kayyeh abelik, se tajam bedeh e bagian atas. Nabi ibrohim nyacak todik kayyeh dek sittung betoh, ternyata betoh se keras kayyeh besa deddih duwek. ”hai todik , bek-eng sanggup mebesa betoh, tapeh arapah lok sanggup nogel le-er ismail” cak-epon ibrahim. Klabe izin Alloh SWT, todik kayyeh ajeweb, ”panjenengan adebu petogel, tapeh Alloh SWT adebuh jek petogel, kadinapah kauleh manut dek perentannah panjenengan wahai ibrahim, lamon akibatepon derekah dek perentaepon alloh SWT”

Edelem wektoh kayyeh Alloh SWT apareng perentah dek jibril sopajeh mondut embik kibasy dari suargeh minangkah deddih gentennah nabi ismail. Ben Alloh SWT adebu, makon nabi ibrohim lok usah nerusagi pengorbana-epon nyambeli ismail. Alloh SWT ampon ridho dek bapak ben anak, Alloh SWT ngaggep cokop klaben penyembelihan seekor gibasy deddih korban kanggui gentenah nabi ismail, akadih seampon ejelasagi Edelem Al-Qur’an surat As-Shaffat ayat 107-110:

وَفَدَيْنَاهُ بِذِبْحٍ عَظِيمٍ

“Ben kauleh tebus anak kayyeh(ismail) klaben sittung hayawen sembelihan se rajeh.”

وَتَرَكْنَا عَلَيْهِ فِي الْآخِرِينَ

“kauleh abadikan kanggui Ibrahim (pengalem sebegus) ekalangan orang-orang semarennah ibrohim.”

سَلَامٌ عَلَى إِبْرَاهِيمَ

“enggi kakdintoh kesejahteraan mogeh2 senantiasa dilimpahkan dek Nabi Ibrahim.”

كَذَلِكَ نَجْزِي الْمُحْسِنِينَ

“akadih kaiyyeh kauleh pareng pebeles dek oreng-oreng se alelakon begus.”

لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ اللهُ اَكْبَرْ(×3)

nengalen tragedi penyembelihan se lok toman bedeh bendingennah edelem sejarah umat manossah, berupa ketaatan nabi ibrohim sareng nabi ismail ajelenagi perenta-epon alloh, Malaikat Jibril nyakse-en sareng abektah embik kibasy, kagum ben takjub terus maos takbir “Allohu Akbar, Allohu Akbar, Allohu Akbar.” Nabi Ibrahim nayambung “Laailaha illahu Allohu Akbar.” Se terusepon e sambung sareng Nabi Ismail “Allohu Akbar Walillahil Hamdu.’

Hadirin Jama’ah Idul Adha se moljeagi Alloh SWT,

nekalah sejarah pertama penyembelian hayawan korban ewektoh Hari Raya Qurban. Alloh Maha pengasih ben Penyayang. Korban se eperentaagi lok usah ngorbanagi anak kauleh kelaben panjenengan cokop hayawan ternak, sae aropah embik, sapeh, kerbui otabeh hayawan laenepon sekenging bedih korban. Sebab Alloh SWT mreksanen,jek kauleh kelaben panjenengan mesteh lok mampu ajelenagi lamon epakon ngorbanagi anak, jek ngantos nogel anak, nogel sebagian dunyah kanggui hewan qurban, kauleh kelaben panjenengan gik benyak mekker. nogel 2,5% dunyyah kanggui zakat, kauleh kelaben panjenengan gilok bisa ngelakonin sampornah. Nogel wektoh sekonik kanggui sholat lemak wektoh, kauleh kelaben panjenengan gik keberatan. Menunda wektoh ade-er kanggui apasah, kauleh kelaben panjenengan tak mampu ngelaksana-agi, Ben gik benyak lelakon derekah ben pelanggaran se kauleh kelaben panjenengan lakonin, se nyebebagi kauleh kelaben panjenengan jauh dari Rahmat Alloh SWT. Na’udu billahi min dalik

Hadirin Jama’ah Idul Adha se moljeagi Alloh SWT,

Hikmah se bisa epondut dari pelaksanaan shalat Idul Adha kepenekah enggi kakdintoh

Bahwa hakikat manossah sittung ben laennah padeh. Se abideagi gun coman taqwa-epon.
Pelaksanaan wukuf neng padang Arafah apareng gambaran bahwa pagik manossah jugen bekal epepolong dek padang mahsyar perloh e so-onen pertanggung jawaban selama odik e dunyah.
Perintah ben ketentuan-ketentuan se ampon egarisagi dining Alloh SWT, koduh elampagi. Ben esambut klaben tekad sami’na wa ‘atha’na. karnah saonggunah, ketentuan-ketentuan Alloh SWT masteh manfaat-epon abelih dek kauleh kelaben panjenengan dibik.sesuai hadits nabi Muhammad saw

مَنْ عَمِلَ صَالِحًا فَلِنَفْسِهِ وَ مَنْ أَسَاءَ فَعَلَيْهَا

Paserah oreng ngelakonin amal begus, maka manfaatah bekal epebelih dek abek-eng dibik jugen sebelikkah paserah oreng alelakon klakoan tak begus maka mudorot/ bahayannah bekal epebelih dek abek-eng dibik
Semangat musyawarah koduh senantiasa ejelenagi edelem sedejenah aspek odik kauleh klaben panjenengan sedejeh kanggui ngaselagi hasel se-sae ben manfaat akadi seampon econto-agi nabi ibrohin ben potraepon ismail
وساورهم فى الأمر
Kegigihan syaitan se terus menerus aganggu manossah, sopajeh membangkang dari ketentuan Alloh SWT. Syaitan senantiasa berusaha ngajek manossah dek kehancuran ben kegelapan. Maka jek ngantos norok bujuk rayu syaithon, karena seonggunah syaithon panekah mosoh se nyata.
Jenis sembelihan berupa bahimah (binatang ternak), arteh-epon klaben matennah hayawan ternak, kauleh kelaben panjenenganniat muang kecongkaan ben kesombongan kauleh kelaben panjenengan, karnah hawa nafsu hayawaniyah koduh ekendaliagi, jek ngantos tumbuh subur Edelem atehkauleh kelaben panjenengan .

لاَ اِلَهَ اِلاَّ اللهُ وَاللهُ اَكْبَرْ اللهُ اَكْبَرْ وَللهِ اْلحَمْدُ اللهُ اَكْبَرْ(×3)

Hadirin Jama’ah Idul Adha se moljeagi Alloh SWT,

malar mander perayaan Idul Adha tahon manken, mampu menggugah ateh kauleh kelaben panjenengan untuk terus berusaha nikatagi taqwa, meberseh kotorennah ateh, ben rela berkorban demi kepentingan agama, bangsa ben negara amiin 3x ya robbal alamin.

أعُوْذُ بِاللهِ مِنَ الشَّيْطنِ الرَّجِيْمِ. بِسْمِ اللهِ الرَّحْمنِ الرَّحِيمِ. إِنَّا أَعْطَيْنَاكَ الْكَوْثَرَ فَصَلِّ لِرَبِّكَ وَانْحَرْ إِنَّ شَانِئَكَ هُوَ الْأَبْتَرُ
بَارَكَ اللهُ لِي وَلَكُمْ فِي الْقُرْآنِ الْعَظِيْمِ. وَنَفَعَنِي وَاِيِّاكُمْ بما فيه مِنَ الآيَاتِ وَالذِّكْرِ الْحَكِيْمِ. وَتَقَبَّلْ مِنِّيْ وَمِنْكُمْ تِلاوَتَهُ اِنّهُ هُوَ السَّمِيْعُ اْلعَلِيْمُ. فَاسْتَغْفِرُوْا اِنَّهُ هُوَاْلغَفُوْرُ الرَّحِيْمُ