Hutbah Pertama Idul Fitri Mudah dan Lengkap Berbahasa Madura

اللهُ اَكْبَرْ (3×) اللهُ اَكْبَرْ (3×) اللهُ اَكبَرْ (3×) الله أكبر كَبِيْرًا وَاْلحَمْدُ للهِ كَثِيْرًا وَسُبْحَانَ اللهِ بُكْرَةً وَأَصِيْلاً، لا إ له إلا اللهُ وَحْدَ هْ صَدَقَ وَعْدَهْ وَ نَصَرَ عَبْدَهْ وَأَعَزَّ جُنْدَهُ وَهَزَمَ اْلأَحْزَابَ وَحْدَهْ ، لا إ له إلا اللهُ وَلاَ نَعْبُدُ إِلاَّ إِيَّاهُ مُخْلِصِيْنَ لَهُ الدِّيْن ، وَلَوْ كَرِهَ الْكَافِرُوْنَ وَلَوْ كَرِهَ اْلمُشْرِكُوْنَ وَلَوْ كَرِهَ اْلمُنَافِقُوْنَ ، لاإ له إلاالله والله أكبر ، الله أكبر ولله الحمد. الْحَمْدُ لِلَّهِ رَبِّ الْعَالَمِينَ. اَلحَمْدُللهِ الَّذِى جَعَلَ رَمَضَانَ شَهْرَ الصِّيَامِ لِلْمُؤْمِنِيْنَ وَجَعَلَ عِيْدَ الْفِطْرِ ضِيَافَةً لِلصَّائِمِيْنَ وَفَرْحَةً لِلْمُتَّقِيْنَ أّشْهَدُ أَنْ لاَ إله إِلاَّ اللهُ وَحْدَهُ لاَ شَرِ يْكَ لَهُ الْمُبِيْنَ وَأَشْهَدُ أَنَّ سَيِّدَنَا محمدا عَبْدُهُ وَرَسُوْلُهُ صَادِقُ اْلوَعْدِ اْلأَمِيْنِ ، اَللّهُمَّ فَصَلِّ وَسَلِّمْ عَلىَ سَيِّدِنَا مُحَمَّدٍ وَعَلىَ آلهِ وَأَصْحَابِهِ أَجْمَعِيْنَ وَعَلىَ التَّابِعِيْنَ وَتَابِعِ التَّابِعِيْنَ وَعَلَيْنَا مَعَهُمْ بِرَحْمَتِكَ يَا أَرْحَمَ الرَّاحِمِيْنَ {أما بعد} فَيَا عِبَادَاللهِ اِتَّقُوااللهَ حَقَّ تُقَاتِهِ وَلاَ تَمُوْتُنَّ اِلاَّ وَاَنْتُمْ مُسْلِمُوْنَ

Para rabu sidang jama’ah sholat idul fitri semoljeh sedejeh

Nyarah jek sen busen kauleh klaben panjenengan sedejeh ningkatagi taqwa carannah klaben memperkokoh ben memperkuat oollennah kauleh klaben panjenengan ngelaksanaagi sedejeh perentaepon alloh swt ben jeh ngajeh klaben sekuat tenaga ajeuhi sedejeh laranganepon

Karna taqwa minangkah deddih sintung jembatan sebisa ngateragi kauleh klaben panjenengan ngaolle ridho ben rohmatepon alloh swt. Taqwa minangkah deddih pondasi derih kontruksi bangunan amaliyah ben ubudiyah kauleh klaben panjenengan. Taqwa minangkah deddih perisai otabeh tameng derih iblis se-selalu berusaha merosak tengkah ben ateh kauleh klaben panjenengan

Bisa bender otabeh bunten tengkah kauleh klaben panjenengan, bisa berseh otabeh buten ateh kauleh klaben panjenengan bisa etengaleh ben erassaagi derih kokoh ben kuatepon taqwa kauleh klaben panjenengan sedejeh bik dibik.

Gusteh alloh swt adeddiagi taqwa sebagai tolak ukur ben batasan derih moljeh otabeh enannah situng kebuleh monngunnah alloh hal kintoh e-tegessagi melalui debuepon “INNA AKROMAKUM INDALLOHI ATQOKUM (seonnguunah sepaling moljeh diantara sampian kabbih monngunnah alloh enggi kakdinton oreng sepaling bertaqwa)”

Derih ayat kakdintoh bisa epondut sittung pelajaran kanggui kauleh klaben panjenengan, bahwa sedejeh manossah enilai moljeh otabeh bunten eyanggep enah otabeh bunten monggunah alloh gun coman etengaleh derih kadar kekuatan taqwaepon, benni derih jesat-epon benni derih pangkat-epon bennih derih dunyyah-epon benni derih gelar-epon

Deddih nyarah jegeh taqwa kauleh klaben panjenengan, tingkatagi taqwa kauleh klaben panjenengan, delem rangka berlomba-lomba mencapai derejet moljeh ngaolle ridho ben rohmatepon alloh swt , Sehinggeh taqwa betul betul bisa ajegeh tengkah ben ateh kauleh klaben panjenengan.

Para tretan lakek ben binik sidang jamaah sholat idul fitri semoljeh sedejeh

Pojih syukur Alhamdulillah wejib senantiasa eyatoragih amargeh hidayah ben rahmat alloh swt. Semata saat mangken kauleh klaben panjenengan sedejeh bisa tepanggi klaben bulen romadhon ben epedepak klaben idul fitri. Sedejeh kintoh merupakan anugerah sepaling rajah se-wejib kauleh klaben panjenengan syukuren, Karna e-delem hadits kutsi guste alloh ampon e-jelasagi:”peserah oreng segelem apasah ebulen romadhon ben poron keluar kanggui ngelaksanaagi sholat idul fitri maka dusan-nah sareng alloh bekal e-seporah”

Pelaksanaan idul fitri minangkah deddih simbol derih puncak pelaksanaan tirakat kauleh klaben panjenengan sedejeh selama e-bulen romadhon se-ampon emolahih dimin derih bulen rejeb eterusagi dek bulen sya’ban e-yongguagi dek bulen romadhon ben saat mangken esyukkuren ben erammiagi klaben pemaosan bacaan takbir ben esampornaagi klaben pelaksanaan sholat idul fitri

Alloh swt. Adebuh: “walitukabbirullloha ala ma hadakum laallakum tasykurun (ngagungagi-nah sampian kabbih dek gusteh alloh tegessah maaos-sah takbir sampian kabbih atas petunjuk separengagi gusteh alloh sopajeh sampean kabbih termasuk oreng2 se-syukur”

Rosulullah saw. Adebu: “zayyinu a’yadakum bit-takbir [hiasen teggesah perammih telasan-nah sampian kabbih klaben takbir]”

Melalui becaan takbir kauleh klaben panjenengan bisa mondut pelajaran, bahwa kauleh klaben panjenengan epakon andep ashor, lok eparengagi ujub penapah pole sombong karna semaha agung, semaha segala-galanya gun coman alloh swt ALLOHU AKBAR [alloh semaha agung], kauleh klaben panjenengan kenik ben enah sobung pah-napannah deddih lok pantes lamon kauleh klaben panjenengan aromassah sepaling e-yadepennah gusteh alloh semaha akbar

Para rabu sidang jamaah sholat idul fitri semoljeh sedejeh

Runtutan kejadian derih bulen romadhon ngantos idul fitri kintoh merupakan pelajaran ben teladeh kanggui kauleh klaben panjenengan, bahwa odik e dunnyah bedeh 2 hal se-koduh e-laksanaagi secara berimbang pertama Hal se-berhubungan klaben akherat akadih sholat, pasah, zakat ben ibedeh laenepon se-nomer duek Hal se-berhubungan klaben dunyyah akadih de-eren, enoman, pakean, kendaraan ben kebutohan dunyyah laen-epon. Teges-epon semangat kauleh klaben panjenengan mepolong dunyah koduh e-yembengin klaben semangat kauleh klaben panjenengan ngamal kanggui sangoh Akherat

Hal kintoh bisa e-gemberagi, bahwa Pelaksanaan ibedeh romadhon minangkah upaya mencapai hal se-berhubungan klaben akherat sedangkan pelaksanaan peringatan idul fitri minangkah upaya mencapai hal se-berhubungan klaben dunyyah, pencapaian secara berimbang derih duek hal kakdintoh (antara dunyyah ben akherat) insyaalloh bisa ngateragi kauleh klaben panjenengan nga-olle derejet KHOIR enggi kakdintoh derejet-ah oreng2 sebegus

Nabi saw adebu: “LAISA BIKHOIRIKUM MAN TAROKA DUNYAHU LI AKHIROTIHI WALA AKHIROTAHU LI DUNYAHU HATTA YUSIBA MIN HUMA JAMIAN (lok ekocak begus diantara sampian kabbih oreng se-adinaagi dunnyyah demmi akherattah, ben jugen lok ekocak begus diantara sampian kabbih oreng se-adinaagi akherat demmi dunnyyanah, sehinggeh meseimbang antara kepentingan akherattah ben keperloan dunnyah)”

Malar mander usaha jeh ngajen kauleh klaben panjenengan memperingati idul fitri betul2 bisa e-yimbangin klaben usaha optimal sebelum-mah e-delem ngelaksana-agi pasah romadhon, sholat tarawih, zakat fitrah ben ibedeh laen-epon sehingga kauleh klaben panjenengan termasok dek debuepon kanjeng nabi saw HATTA YUSIBA MIN HUMA JAMIAN (oreng se bisa ngelaksanaagi kepentingan dunyah ben akherat secara berimbang)

Para rabu tretan muslimin muslimat semoljeh sedejeh

Dinah mangken enyamain idul fitri secak medureh-epon abelih socceh, sebutan kintoh minangkah pernghurmatan se-eparengagi dek oreng-oreng se-berhasil merangin ben me-kalah hawa nafso selama bulen romadhon, melalui ibedeh pasah, sholat tarawih, zakat fitrah ben ibedeh2 laen-epon, sehinggeh oreng2 kintoh betul2 olleh derejet idul fitri, enggi kakdintoh derejettah oreng2 se-abelih socceh akadih gik buruh laher se-bening tanpa celah ben dusah.

Kanggui majengkep kesempornaan idul fitri, selain hablum minalloh nyarah hablum minan-nas jugen penuhin, manossah odik tentonah lok selalu bender ben lok selalu salah ompamah bedeh lopot otabeh salah dek reng sepoh, guruh, tretan otabeh beleh tetanggeh nyarah mompong e-delem suasana idul fitri guna-agi kanggui nyo’an seporah ben saling seporah, maaf memafkan antara sittung klaben sittungah. Pajeuh pesaan romangsah lok agedu salah ben lok agedu dusah

Derejet idul fitri toreh jegeh pe-rapet ben man-paeman jek ngantos beninngah ateh ben begus-sah tatakramah, se-ecetak selama bulen romadhon rosak kenging rayuan iblis ancor kenging ajekan nafso, jek ngantos giat-tah amaliyah ben istiqomanah ibadah kauleh klaben panjenengan selama romadhon robbu kenging pamer, ambu otabeh mandek e-tabrak males ben sengkah

Nyarah niateh ben mantepagi, bahwa nganggui pakean begus saat mangken sebagai simbol kauleh klaben panjenengan mulain adinggelagi hal kepongkor se-korang begus e-genteh klaben hal baru se-jeuh lebih anyar ben jeuh lebih begus, terutama begus atennah ben begus amallah.

Akhir romadhon ben awal syawal minangkah tandeh, bahwa bengetuah, reng sepoh, potrah ben tretan kauleh panjenengan sedejeh se-bedeh e-alam barzah e-pebellih sareng alloh dek situasi akadih sebelummah romadhon nyarah jek kloppain keremin doa senajan se-kalemah

Para rabu sidang jamaah sholat idul fitri semoljeh sedejeh

Sekakdintoh khutbah idul fitri saat mangken malar mander klaben barokah romadhon kauleh klaben panjenengan sedejeh e-catet sebagai oreng2 muttaqin, ededdiagi oreng2 se-olleh derejet idul fitri sehinggeh asar ben labet romadhon terus bisa e-laksanaagi selatarennah idul fitri, e-parengin omor lanjeng sebarokah, manfaat fi toatillah fi toati rosulillah ben akhirepon adinggelagi dunyyah klaben husnul khotimah

اَعُوْذُ بِاللهِ مِنَ الشَّيْطَانِ الرَّجِيْمِ. يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا. تَقَبَّلَ اللهُ مِنَّا وَمِنْكُم وَجَعَلَنَا اللهُ وَاِيَّاكُمْ مِنَ اْلعَائِدِيْنَ وَاْلفَائِزِيْنَ وَاْلمَقْبُوْلِيْنَ وَاَدْخَلَنَا اللهُ وَاِيَّاكُمْ فِى زُمْرَةِ عِبَادِهِ الصَّالِحِيْنَ وَاَقُوْلُ قَوْلِى هَذَا وَاسْتَغْفِرُاللهَ لِى وَلَكُمْ وَلِوَالِدَيَّ وَلِوَالِدَيْكُمْ وَلِسَائِرِ اْلمُسْلِمِيْنَ وَاْلمُسْلِمَاتِ فَاسْتَغْفِرْهُ